43 жастағы бапкер «Елімайдың» бас бапкері қызметіне үміткерлердің бірі ретінде қарастырылып отыр.
Нұрдәулетов 2026 жылдың басында Талдықорғанның «Жетісу» клубына қайта оралып, қазіргі уақытта команданы жаттықтырып жүр. Бұған дейін ол Қазақстанның U-21 жастар құрамасын басқарған. Сондай-ақ «Мақтаарал», «Ертіс» және «Оқжетпес» клубтарында еңбек еткен. Бұдан бөлек, Қазақстан ұлттық құрамасының жаттықтырушылар штабына да кірген.
Еске салайық, бүгін «Елімай» Андрей Карповичпен ынтымақтастығын тоқтатқанын жариялады. Осылайша, Семей клубы бас бапкерсіз қалды.