Көкшетаулық «Оқжетпес» Қазақстан Премьер-лигасының 27-туры аясындағы өз алаңындағы ойында елордалық «Жеңісті» 3:1 есебімен жеңді.
23-минутта Иван Шараванья автогол соғып, алаң иелерін алға шығарды. 60-минутта Дмитрий Бородин пенальтиді дәл орындаса, негізгі уақыттың аяқталуына сегіз минут қалғанда Тохтар Жангылышбай есепті 3:0-ге жеткізді.
Елордалық клуб бір голмен жауап берді. 86-минутта Адилио Дос Сантос мергендік танытты.
Кездесу 18 қыркүйекте Көкшетаудағы «Оқжетпес» стадионында өтті.