Жақын арада халықаралық жетекші аудиторлық компаниялардың бірі «Астананың» қаржылық, шаруашылық және заңнамалық құжаттамасын егжей-тегжейлі тексеруге кіріседі. Әлемдік деңгейдегі сарапшыларды тарту, әдетте, ірі бизнес өкілінің Қазақстанның жеті дүркін чемпионының капиталына кіруге және жекешелендіру бойынша толыққанды мәміле жасауға дайын екенін көрсетеді.
Клубтың құрылымы мен балансына аудиторлық баға беру әлеуетті иелеріне қаржы құю алдындағы тәуекелдерді азайтуға мүмкіндік береді. ҚПЛ-ның көпдүркін чемпиондары үшін жеке қаржыландыруға өту, ағымдағы маусымның әртүрлі нәтижелерін ескерсек, одан әрі дамудың басты серпініне айналуы мүмкін.
Еске сала кетейік, Григорий Бабаянның шәкірттері 18 турдан кейін 32 ұпаймен ұлттық чемпионаттың турнирлік кестесінде әзірге үшінші орында келеді, ал еурокубоктарда астаналықтар Конференциялар лигасының квалификациясында алғашқы айналымда-ақ сүрінді.