Экс-футболшы жас ойыншыға ерекше кеңес берудің қажеті жоқ екенін айтып, ең маңыздысы денсаулықты сақтау екенін жеткізді. Сондай-ақ ол болашақта қазақстандық футболшылар Еуропаның үздік бес чемпионатында жиі өнер көрсетеді деген үмітін білдірді.
Астана тумасы екі жылдан бері «Бенфиканың» академиясында өнер көрсетіп келеді. Өткен маусымда 16 жастағы вингер 19 матчқа қатысып, жеті голдың авторы атанды. Бұған дейін ол Португалияның «Эшторил» клубының жүйесінде ойнаған.
Каряканың өзі 2005–2007 жылдары «Бенфиканың» намысын қорғап, 17 кездесуде үш гол соқты және Португалия Суперкубогын жеңіп алды. Қазіргі таңда ол медиа-футболдағы «СКА-Ростов» командасының бас бапкері қызметін атқарады.