ҚФФ Төрелік ету және инспекторлау департаментінің директоры Нуну Алешандре Паррейра де Каштру Премьер-Лиганың өткен турындағы ең шулы эпизодтар бойынша ресми түсініктеме берді, деп хабарлайды KFF.kz сайты.
«Каспий» — «Жеңіс» текетіресінде төрешілер бригадасы мінсіз жұмыс атқарды. 67-минутта қонақтар ойыншысы қарсыласының тамағынан сығып, агрессивті мінез-құлық танытқаны үшін әділетті түрде тікелей қызыл қағаз алды. 80-минутта рефери монитордан қайталауды қараған соң, тобықтан жоғары ашық табанмен қауіпті соққы жасағаны үшін қорғаушыны алаңнан қуып, пенальтиді орынды белгіледі.
«Ұлытау» мен «Ертіс» арасындағы кездесуде қонақтардың 46-минуттағы голы ережеге сай соғылды. Телекамералардың бұрмалануына байланысты көрермендерге офсайд сияқты болып көрінгенімен, виртуалды сызықтар шабуылшының қорғаушымен бір сызықта болғанын растады.
Сол сияқты «Тобылдың» 26-минутта «Атырау» қақпасына соққан голы да заңды деп танылды. Көрсетілім таратушының техникалық ақауларына байланысты экранға офсайд сызықтары шығарылмағанымен, VAR тексерісі алаң ортасындағы қорғаушының аяғы шабуылдаушы футболшымен бір деңгейде болғанын анықтады.
ҚФФ ҚПЛ-ның 19-турындағы шулы сәттерді талдап берді
Нуну Каштру VAR жүйесін қолдана отырып, төрешілердің басты шешімдеріне жеке өзі түсініктеме берді