Командалар алаңға келесі құрамдарда шықты.
«Ұлытау»: Непогодов, Афанасенко, Бухал, Кармона Сьерра, Бугулов, Мартин Анане, Вачиберадзе, Черняк, Харада, Бугнон, Смит.
«Ертіс»: Сарнавский, Каримов, Маликайдар, Юденков, Опэ, Евтич, Рамос, Есимбеков, Фалайе, Султаниязов, По.
Бірінші тайм павлодарлықтардың басымдығымен өтті, 17-минутта Марко Евтич есеп ашты — 0:1. Алаң иелері 38-минутта жауап қатты: Давид Мартин Анане алыстан қақпаның үстіңгі кермесінің астына дәл соғып, есепті теңестірді — 1:1. Бірақ үзілістің дәл алдында «Ертіс» қайтадан алға шықты — 45+1-минутта Жан Морел По көзге түсті.
Үзілістен кейін қонақтар есепке сай ойнап, ең аз басымдықты сақтап қалды — 2:1.
Бұл жеңіс «Ертіс» үшін 13 матчтан кейінгі алғашқысы болды: команда 14 ұпай жинап, ҚПЛ кестесінің соңында қалып отыр. «Ұлытау» 27 ұпаймен алтыншы орында келеді.