Бірінші таймда командалар қақпаға қауіпті шабуылдармен алмасты, бірақ қақпашылар сенімді ойнап, есептің ашылуына жол бермеді.
Үзілістен кейін фаворит саналған «Туран» белсенділігін арттырып, 57-минутта қарсыласын тізе бүктірді. Думан Нарзильдаев бұрыштан допты шиыра асырды, ал Темирлан Мурзагалиев берілген допқа бірінші болып жетіп, оны торға тоғытты.
Бұл доп шешуші болды: бұдан кейін көрермендер гол көрмеді — түркістандықтардың пайдасына 1:0.
Жеңістің арқасында «Туран» 34 ұпай жинап, турнир кестесінде үшінші орынға көтерілді. 17 ұпайы бар «Хан-Тенгри» оныншы орында қалды.