Қазақстан Премьер-лигасының 27-туры аясында «Ертіс» сырт алаңда «Алтайды» 2:1 есебімен жеңді. Қонақтар 7-минутта Юши Шимамураның голының арқасында алға шықты. 34-минутта Елисей Горшуновтың пасынан кейін Сэйф Попов есепті теңестірді. Алайда үзіліске дейін Руслан Юденков павлодарлықтарды қайтадан алға шығарды.
70-минутта «Ертіс» он ойыншымен қалды: Саги Маликайдар екінші сары қағазын алып, алаңнан қуылды. «Алтай» басымдық танытып, қарсыласының алты соққысына жауап ретінде 25 соққы жасағанымен, есепті теңестіре алмады — 1:2.