— Нико, жеңіс құтты болсын! Бұл бүкіл «Комо» үшін шын мәнінде тарихи жетістік. Қазір көңіл-күйіңіз қалай, финалдық ысқырықтан кейін қандай сезімдесіз?
— Мен керемет бақыттымын. Бүгін біз тарих парағына өз атымызды жаздық деп ойлаймын. Дәл осында, Комода Чемпиондар лигасы деңгейінде өнер көрсету — айтып жеткізгісіз керемет сезім. Барлық жігіттер дән риза: біз тамаша матч өткіздік және бұл жеңісті күллі жанкүйерлерімізге арнаймыз.
— Дәл өз алаңдарыңызда ойнау қаншалықты маңызды болды? Мамыр айында еурокубок ойындарын «Сассуоло» стадионында өткізуге тура келеді деген әңгімелер болған еді, алайда Чемпиондар лигасының мерекесі ақыры Комоға да жетті.
— Қарсыластарды өз үйімізде қабылдау — біз үшін аса маңызды фактор. Жанкүйерлеріміз стадионда сөзбен айтып жеткізгісіз атмосфера қалыптастырады. Олардың трибунадағы қолдауы қанат бітіріп, жылдамырақ жүгіруге және бар күш-жігерімізді сарқа жұмсауға дем береді. Мұнда ойнау — нағыз бақыт, ғажап әсер. Біз алға қарай қадам басамыз.
— Қазақстандағы жанкүйерлеріңізге арнап екі ауыз сөз айтып өтсеңіз.
— Қазақстандағы барша жанкүйерлерге үлкен сәлем! Шынайы ықыластарыңыз бен қолдауларыңыз үшін мың алғыс!