«Дастан Сәтбаев оңалтудан өту үшін «Челсиге» қайта оралды. Оның алаңға қашан шығатыны әзірге белгісіз», — деп хабарлады журналист Мэтт Скрафтон.
18 жастағы футболшы соңғы рет 24 қазанда «Бернлидің» «Линкольн Ситиге» қарсы матчында (1:4) алаңға шыққан болатын. Осыдан кейін ол клубтың Чемпионшиптегі үш ойынын және Қазақстан құрамасының Ұлттар лигасындағы екі кездесуін өткізіп алды.
«Бернли» келесі матчын 22 қарашада өз алаңында «Блэкбернге» қарсы өткізеді. Ойын Қазақстан уақытымен 17:00-де басталады.
