The Touchline мәліметінше, Зинедин Зидан 2026 жылғы әлем чемпионатындағы сәтсіздіктің басты себептерінің бірі ретінде орталық алаңдағы басымдықтың жоқтығын көріп отыр. Сондықтан ол бұл аймақты жас әрі шығармашыл ойыншылармен күшейтуді көздейді.
Дереккөздің хабарлауынша, француз маманы командаға допты бақылауды жақсартып, шабуылдарды ұйымдастыруда көбірек креатив қосуды жоспарлап отыр. Бұл бағыт алдағы уақытта құраманы қайта құрудағы негізгі міндеттердің біріне айналады.
Еске салсақ, әлем чемпионатынан кейін Дидье Дешам қызметінен кеткен болатын. Оның жетекшілігімен Франция құрамасы қола жүлде үшін өткен кездесуде Англиядан 4:6 есебімен жеңілді. Ал Зидан 2021 жылдан бері алғаш рет бапкерлік қызметке оралып отыр. Бұған дейін ол мадридтік «Реалды» екі кезеңде жаттықтырып, клубпен 11 трофей, соның ішінде Чемпиондар лигасының үш кубогын жеңіп алған.