Елорда әуежайынан түсіріліп, «Біз Шымкент қаласына аттанамыз!» деген жазбамен жарияланған қысқа роликте команданың жетекші легионерлері, соның ішінде Марин Томасов пен Иван Башич анық байқалады. Негізгі футболшылардың ұшақ бортына отыруы жаттықтырушылар штабы алдағы турда тек қосалқы құрамды ойнатуды жоспарлап отыр деген жақында тараған сыбыстарды сейілтті.
«Ордабасы» мен «Астана» арасындағы ҚПЛ 26-турының ойыны сенбі, 12 қыркүйек күні өтеді, кездесудің бастапқы ысқырығы 19:00-де шалынады. Қазіргі таңда қарсыластардың арасын бір ғана саты бөліп тұр: алаң иелері екінші орынға табан тіресе, елордалық ұжым үшінші орында олардың өкшесін басып келеді.