Тур бағдарламасын «Каспий» мен «Ақтөбе» ашты — 1:2. Даниэль Соса 39-минутта қонақтарды алға шығарды, ал үзілістен кейін Олувасейи Оджо Еркебұлан Сейдахметтің пасынан кейін есепті еселеді. Кездесу соңында Бернардо Моргадо алаң иелерінің есеп айырмасын қысқартты. Бірінші таймда Артур Шушеначев пенальтиді жүзеге асыра алмады.
«Елімай» өз алаңында «Жетісуды» 2:1 есебімен жеңіп, камбэк жасады. Марко Зиванович жетінші минутта есеп ашты, бірақ Фессу Плакка көп ұзамай таразы басын теңестірді. Ал 21-минутта Роман Мұртазаев алаң иелерінің екінші голын соғып, командасына жеңіс әкелді.
Турдың орталық кездесулерінің бірінде «Ордабасы» «Астананы» минималды есеппен жеңді — 1:0. Жалғыз голды 78-минутта Бьорн Йонсеннің пасынан Жасұлан Әмір соқты. Осы жеңістің арқасында шымкенттіктер чемпионаттағы бірінші орнын сақтап қалды.
«Жеңіс» «Қызылжардан» 3:1 есебімен басым түсті. Лука Имнадзе есеп ашқаннан кейін Слободан Урошевич таразы басын теңестірді. Екінші таймда Имнадзе дубль жасады, ал қосымша уақытта Элдер Сантана Консейсан пенальтиден гол соқты.
«Қайсар» өз алаңында «Атырауды» 1:0 есебімен жеңді. Матч тағдыры 83-минутта шешілді: үзілістен кейін алаңға шыққан Никола Цуцкич Алияр Мұхамедтің пасынан мергендік танытты.
Павлодарда «Ертіс» «Оқжетпесті» 2:1 есебімен жеңді. Леонардо Абдала бірінші таймның өзінде дубль жасады, ал екінші таймның басында пенальтиді жүзеге асыра алмады. 72-минутта Оралхан Өміртаев есеп айырмасын қысқартқанымен, қонақтар жеңілістен құтыла алмады.
«Алтай» сырт алаңда «Ұлытауды» 3:0 есебімен ірі жеңді. Барлық гол үзілістен кейін соғылды. Дарко Додев есеп ашса, алаңға қосалқы құрамнан шыққан Сэйф Попов дубль жасады. Ол алғашқы голын ойынға шыққаннан кейін небәрі үш минуттан соң соқты.
Турдың басты сенсациясы Алматыда тіркелді. «Тобыл» «Қайратты» 4:1 есебімен ойсырата жеңді. Урош Милованович пенальтиді сәтті орындап, кейін дубль жасады. Алматы клубының жалғыз голын Марк Гуаль соқты. Үзілістен кейін Виталий Лисакович пен Луис Гуерра есепті ірі нәтижеге жеткізді.
Турнир кестесі: 1. «Ордабасы» — 58 ұпай, 2. «Қайрат» — 57, 3. «Астана» — 45. Толық кесте осында.
Сұрмергендер: 1. Милованович — 11 гол, 2. Томасов — 10. 3. Мұртазаев — 10 гол. Толық тізім осында.
Ассистенттер: 1. Исламхан — 9 ассист, 2. Васильев — 8, 3. Тағыберген — 7. Толық тізім осында.