Жиын қорытындысы бойынша Премьер-лиганың бірнеше клубына ескерту жасалып, тәртіптік жаза қолданылды.
«Оқжетпес» — «Қызылжар»
Қазақстан Премьер-лигасының 23-туры аясындағы кездесуде командалардың киім ауыстыратын бөлмеден кеш шығуына байланысты матчтың басталуы екі минутқа кешікті. Осы жағдайға байланысты Тәртіптік регламенттің 67-бабына сәйкес «Оқжетпес» пен «Қызылжар» клубтарына ескерту берілді.
«Алтай» — «Атырау»
Матч барысында трансляция және VAR бөлмелерінде электр қуаты бірнеше рет өшіп, роутер жұмысы да тоқтаған. Ойынды тиісті деңгейде ұйымдастырмағаны және чемпионат регламентінің талаптарын сақтамағаны үшін Тәртіптік регламенттің 63-бабының 1-тармағына сәйкес «Алтай» клубына жаза қолданылды.
Сонымен қатар «Атырау» футболшыларының киім ауыстыратын бөлмеден кеш шығуына байланысты кездесу бір жарым минутқа кеш басталды. Осы заңбұзушылық үшін клубқа Тәртіптік регламенттің 67-бабына сәйкес ескерту жасалды.