«Егер жігіттер бірінші таймда екінші таймдағыдай ойнағанда, нәтиже басқаша болар еді. Жұмысты бастаған алғашқы күннен бастап футболшыларға турнир кестесіндегі жағдайды айтып келдік: бізге жеңіс пен ұпайлар ауадай қажет. Бірінші таймда дауыс көтерген жоқпыз. Көңіл-күйді тек жаттығуда емес, ойында да көрсету керек — бірінші тайм дәл сондай болып шықты. Екінші таймда, шүкір, ашылып, өзіміздің ойымызды тауып, мықтырақ көріндік. Барлық ауыстырулар шабуылды күшейту, гол соғу үшін жасалды: алаңға шабуылшы ойыншыларды шығардық. Мәселенің неде екенін түсінеміз: жарақат алғандар болды. Легионерлер жетіспеді — біреуінде төрт сары қағаз болды, біреуі жарақатына байланысты қатардан шығып қалды. Чемпионат аяқталды. Енді бар назарды маусымның нүктесі болатын финалға аударамыз», — деді бапкер.
Бірінші таймда «Қайсар» екі гол жіберіп алды: 2-минутта-ақ Зураб Тевзадзе көзге түссе, 31-минутта «Жеңістің» басымдығын Исламбек Қуат нығайта түсті. Үзілістен кейін қызылордалықтар қарқын қосып, 52-минутта есеп айырмасын қысқартты — голды Алияр Мухамед соқты, бірақ команда есепті теңестіре алмады.
Қорытындысында «Қайсар» чемпионатты 16-орында аяқтап, 25 ұпай жинады және Премьер-лигадан ұшып кетті.