Қостанайлық «Тобыл» жартылай қорғаушы Жаслан Жұмашевпен келісімді ұзартқанын ресми түрде жариялады. 25 жастағы хавбектің жаңа еңбек шарты 2027 жылдың соңына дейін есептелген.
Жұмашев 2020 жылдан бері Премьер-лигада «Тобылдың» негізгі командасының намысын қорғап келеді. Ағымдағы маусымда жартылай қорғаушы қостанайлықтардың көшбасшыларының бірі ретінде көзге түсіп, барлық турнирде 24 матч өткізіп, 9 гол соғып, 2 нәтижелі пас берді. KFF League-тің аналитикалық деректері де ойыншының елеулі үлесін атап көрсетеді: күтілетін голдар (xG) көрсеткіші 5,9 болғанда, оның еншісінде қақпаға дәл бағытталған 11 соққы, 280 дәл пас, 55 тосып алу және допты 12 сәтті тартып алу бар.