Оның сөзінше, «Қайрат» сәрсенбі күні өз матчында жеңіске жетіп, чемпиондық бәсекеде алға жылжыған, сондықтан «Ордабасы» қуып жетуші рөлінде қалып, қарсыластың өкшесіне басып отыру міндеті тұрған.
Мартин «Астананы» қазақстандық футболдың бренді деп бағалап, биылғы ойыны тартымды екенін айтты. Ол қарсыластың бапкерлік жұмысы да, командалық ойыны да жақсы жолға қойылғанын, соңғы нәтижелер соны дәлелдейтінін жеткізді. Сол себепті «Ордабасы» принципті қарсыласқа қарсы ауыр матчқа арнайы дайындалғанын, әрі өз алаңында чемпиондық жарыста қалу үшін міндетті түрде үш ұпай қажет болғанын айтты.
Матч барысында «Ордабасы» тактикалық тұрғыда жедел өзгеріс жасауға мәжбүр болған. Бапкердің айтуынша, команда бастапқыда «Астана» әдеттегідей төрт қорғаушымен ойнайды деп күткен, алайда Қасымның Казуколовас пен Калаицаға қатар қосылғанын көргеннен кейін қарсыластың үш орталық қорғаушысы бар жүйеге көшкенін түсінген. Осыған байланысты «Ордабасы» прессинг құрылымын бірден қайта құрып, алдын ала дайындалған жоспардан бас тартып, «Б» жоспарына өткен.
- Біз өзгерістер жасадық, өйткені прессинг құрылымын бірден ауыстырдық. Олар әдеттегідей төрт қорғаушымен ойнайды деп ойладық. Бірақ Қасымның Казуколовас пен Калаицаға қатар қосылғанын көргенде, бұл үш орталық қорғаушысы бар жүйе екенін түсіндік. Сондықтан иә, прессинг құрылымын қайта құрдық. Өзгеріс енгізуге тура келді: бір жоспарға дайындалғанбыз, амалсыз «Б» жоспарына көштік. Ең бастысы - бәрі осылай аяқталғаны жақсы болды, - деді Мартин.
26-турдан кейінгі жағдай бойынша «Ордабасы» чемпионатта 25 матч өткізіп, 58 ұпаймен көш бастап тұр. «Астана» 24 ойыннан кейін 45 ұпай жинап, үшінші орында келеді.