Бабаян командалардың алдыңғы кездесулеріндегі даулы эпизодтарды еске алып, әріптесінің мұндай реакциясын түсінбейтінін айтты.
«Ол өзін кім деп ойлайды? Өткен жылы олармен ойнағанда біз де көп нәрсе айта алар едік. Алматыда бізге қарсы төрешілік болды — үндемедік. Мұнда Чинедуге қарсы таза пенальти болды — тағы да үндемедік», — деді маман.
Сөзінің соңында Бабаян Уразбахтин қолданған сөзге де қатаң жауап берді.
«Шапито? Мүмкін, ол өзін сайқымазақпын деп айтқан шығар», — деді «Астананың» бас бапкері.
Матч елордалық клубтың 1:0 есебіндегі жеңісімен аяқталды. 11-минутта Әділет Садыбеков алаңнан қуылып, «Қайрат» аз құрамда қалды. Ал 14-минутта Рамазан Каримов кездесудегі жалғыз голды соқты.
Бабаян трибуналардың қолдауын да ерекше атап өтті. Оның айтуынша, Астанада мұндай атмосфера көптен бері болмаған. Екінші таймда команда сенімдірек ойнап, есепті ұлғайтуға бірнеше мүмкіндік жасаған.