«ASnews.kz» ақпараты бойынша, Қазақстан чемпионы еурокубоктық науқан қарсаңында бас бапкерді ауыстыру сценарийін қарастырып жатыр. «Ордабасы» тізгінін бұған дейін Еуропада жұмыс істеген маманға сеніп тапсырғысы келеді, соған байланысты үміткерлерді таңдауға кірісті.
Шымкенттіктер Чемпиондар лигасы үшін ҚПЛ тарихында бұрын-соңды болмаған жағдай жасауға дайын екені хабарланады: әлеуетті бапкерге жылына екі миллион еуроға дейін жалақы ұсынылуда. Дегенмен, клуб өкілдері мұндай қаражатты тек шын мәнінде мықты әрі беделді кандидат қана алатынын баса айтады. Егер лайықты нұсқа табылмаса, басшылық қазіргі бас бапкер — 52 жастағы молдовалық маман Андрей Мартинді өз орнында қалдырады.
Мартин «Ордабасыны» 2024 жылдың желтоқсанында басқарған болатын. Оның командасы чемпионат аяқталуға бір тур қалғанда ҚПЛ-дың алтын медальдарын жеңіп алды. Бұған дейін Кишинев тумасы «Дачия» және «Петрокуб» клубтарында жұмыс істеген.