Алаң иелері 23-минутта алға шықты. «Қызылжардың» шабуылынан кейін қонақтардың қорғаушысы Стефан Букорац допты өз қақпасына бағыттап алды. Бұл гол ұзақ уақыт бойы матчтағы жалғыз нәтижелі соққы болып тұрды.
«Қайсар» тек кездесудің соңына қарай есепті теңестіре алды. 85-минутта қосалқы құрамнан шыққан Агостиньо Азеведо гол соғып, қызылордалықтарға бір ұпай сыйлады — 1:1.
Осылайша екі команда биылғы маусымда екінші рет жеңімпазды анықтай алмады. Сәуір айында Қызылордада өткен алғашқы кездесу де 0:0 есебімен аяқталған еді.