«Бүгін келіп, команданы қолдаған жанкүйерлерге зор алғыс айтқым келеді. Бізде белгілі бір тұрақтылық пайда болды – қатарынан екі матчта жеңіске жеттік. Футболшыларға да жеке алғыс айтқым келеді: олар алаңда ойын алдындағы жоспарлағанымыздың бәрін орындады. Бәрі жоспар бойынша өтті. Барлық жанкүйерлерді жеңіспен құттықтаймын», – деді маман.
«Ақтөбе» «Оқжетпесті» 2:1 есебімен жеңді. Алаң иелері сапынан Яни Атанасов пен Темирлан Ерланов көзге түссе, қонақтардың жалғыз добын Шахбоз Умаров соқты.
Бұл үш ұпай «Ақтөбені» 31 ұпайға жеткізді – команда ҚПЛ турнир кестесінде үшінші орынға көтерілді. «Оқжетпесті» жеңу Жалбыров ұжымы үшін қатарынан екінші жеңіс болды: өткен турда ақтөбеліктер сырт алаңда «Алтайды» 4:2 есебімен ұтқан еді.