Өз алаңындағы 0:2 есебіндегі жеңіліс ойыншының алаң шетінде кейбір жанкүйерлермен қызу сөзге келіп қалуына ұласты, дегенмен футболшы бұл жайт оның «қасқырларға» деген адалдығына сызат түсірмейтінін аңғартты. Әлеуметтік желідегі үндеуінде жартылай қорғаушы бірлі-жарым адамның теріс әрекеті оның командамен және жанашыр көпшілікпен арадағы шынайы байланысын үзе алмайтынын атап өтті.
«Бүгінгі болған жағдай менің осы клубқа деген сүйіспеншілігімді өзгерте алмайды. Бір-екі адам менің сезіміме ықпал ете алмайды. Маған әрдайым сенім артып, кез келген сәтте демеу болатын жандар үшін бар күш-жігерімді сала беремін. Иншаллах, алда талай жарқын жеңісті бірге көреміз. Әрбір жанашыр жанкүйерге мың алғыс. Алға, «Қайсар»!» — деп жазды Жақсылық өзінің Instagram парақшасында.