«Кейде дер кезінде қоштасып, жақсы қарым-қатынасты сақтап қалған дұрыс. Менің ойымша, қазіргі кезеңде бұл – ең тиімді шешім», – деді Мартин екі жүлде жеңіп алғаннан кейінгі күтпеген кетуіне қатысты.
Сонымен қатар бапкер чемпиондық атаққа қол жеткізгеннен кейін келісімшартты ұзарту мәселесінің кешіктірілуі келіссөздерге әсер еткенін мойындады. Ал «Ордабасының» жоғары жалақы алатын танымал маманды шақыруды жоспарлап отырғаны туралы қауесеттерге пікір білдіруден бас тартты.
Мартин Қазақстанда бапкерлік мансабын жалғастыру мүмкіндігін де жоққа шығармады. Оның айтуынша, елімізде өзін өте жайлы сезінген және алдағы уақытта тағы бірнеше маусым жұмыс істеуге дайын. Алайда маман алдымен қысқа үзіліс алып, содан кейін жаңа ұсыныстарды қарастыруды жоспарлап отыр.