Алматылық «Қайрат» басшылығы жаңа тұрақты бас бапкер іздеу жұмысын күшейтіп, шетелдік маманға сенім артуға ниетті, деп хабарлайды amanvibe.kz. Бұл ретте клуб басшылары ықтимал үміткерлер тізімінен Қазақстан құрамасының бұрынғы бапкері Станислав Черчесов пен ресейлік маман Заур Тедеевтің кандидатурасын толықтай алып тастады.
Қазіргі уақытта Рафаэль Уразбахтин кеткеннен кейін бас бапкердің міндетін 34 жастағы Жора Арутюнян атқарып жатыр. Маман «сары-қаралар» кемінде тағы төрт матч өткізуі тиіс УЕФА Конференциялар лигасының жалпы кезеңіндегі ойындар аяқталғанға дейін команда тізгінін ұстай береді.