Түзетудің басты уәжі - турнирдің ресми мәртебесіне қатысты. Араб чемпиондар кубогы Араб футбол қауымдастығының қолдауымен ұйымдастырылғанымен, ФИФА немесе АФК мойындайтын ресми жарыстар қатарына кірмейді.
Осы себепті Трансфермаркт бұл ойындарды көрме/жолдастық кездесулер ретінде жіктеп, Роналдудың мансаптық ресми статистикасынан шегерді. Қазіргі дерекқор нұсқасында португалиялық жұлдыздың ресми гол саны 979 болып көрсетілген.
Статистиканың жаңаруы Роналдудың мансабындағы тағы бір маңызды жаңалықпен қатар келді. Халықаралық үзіліс алдында 41 жастағы форвард Португалия құрамасындағы мансабын аяқтайтынын ресми мәлімдеді.
Роналду ұлттық құрамада 2003 жылдан бері ойнады. Ол осы кезеңде 234 матч өткізіп, 146 гол соғып, ұлттық командадағы ойын саны мен гол саны бойынша әлемдік рекорд орнатты.
Сауд Арабиясы Про-лигасының биылғы маусымында Роналду 10 матчта 8 гол соғып, 1 нәтижелі пас берді. Қазан айының соңында ол «Әл-Холудқа» қарсы ойында хет-трик жасап, кездесу 5:3 есебімен аяқталған.
Халықаралық үзіліске дейін «Ән-Наср» Про-лигада 11 турдан соң 28 ұпаймен 3-орынға жайғасты: 9 жеңіс, 1 тең ойын, 1 жеңіліс, доп айырмасы - 28:11. Команда «Әл-Хиләлден» (30 ұпай) және қосымша көрсеткіштері жақсы болғандықтан алда тұрған «Әл-Кадисиядан» (28 ұпай) кейін келеді. 12-турда «Ән-Наср» өз алаңында тікелей бәсекелесі «Әл-Кадисияны» қабылдайды.