«Сантос» клубының жаңа бас директоры болып тағайындалған Неймардың әкесі ұлының мерзімі аяқталуға жақын келісімшартын келесі жылға дейін ұзартуды мақсат етіп отырғанын мәлімдеді.
Үлкен-Неймар жұлдызды шабуылшының болашағына қатысты мәселені тезірек шешіп, келісімшартты келесі айда аяқталмай тұрып қайта жасасуды көздеп отыр. Жаңадан тағайындалған бас директордың айтуынша, ол клубтың трансферлік саясатын анықтайтын шағын топтың құрамына енген. Сондай-ақ Артур Мело мен Филипе Коутиньоны командаға шақыруға қатысқанын атап өтті. Ендігі басты мақсаты – Неймардың «Сантос» сапында өзін жайлы сезінуін қамтамасыз ету.
«Әр трансферлік кезеңде Неймардың клубтан кетуіне қатысты ұсыныстар түседі. Алайда ол әрдайым «Сантоста» қалуды таңдайды. Мен үшін ең маңыздысы – Неймардың бақытты болуы. Түсінесіздер ме?» – деді ол.
Сонымен қатар ол құрамның күшеюі клубқа үміт сыйлап, келіссөздерде маңызды артықшылық болғанын жеткізді.
«Егер ол мұнда өзін жақсы сезінсе, мен оны осында алып қала аламын. Құрамды жасақтап, алдағы кезеңге оң көзқарас қалыптастыру үшін атқарған жұмысымыз бізге армандауға мүмкіндік берді», – деді Неймардың әкесі.
Осы маусымда шабуылшы Бразилия чемпионатында 15 матч өткізіп, 8 гол соғып, 3 нәтижелі пас берген.