Оқиға жергілікті уақытпен шамамен 10:00-де Үнді мұхитындағы Францияның теңіз асып жатқан аумағы - Реюньон аралында тіркелді. Онзор «Стад де ла Жамайк» стадионының жаттығу алаңында жоспарлы дайындық кезінде құлап, жүрегі тоқтап, тынысы үзілген.
Жедел жәрдем бригадасы дереу жетіп, спортшыны 45 минут бойы реанимациялауға тырысқан. Алайда дәрігерлердің барлық әрекеті нәтиже бермеді. Қайғылы жағдайдың куәгері болған ойыншылар мен бапкерлер штабына психологиялық қолдау қызметі көрсетілді.
Ванис Онзор сол қаптал қорғаушысы ретінде ойнады. Ол «Руан» және «Гавр» клубтарының жастар академияларынан шыққан. Әлеуеті жоғары болғанымен, Францияның кәсіби жоғары дивизиондарында тұрақты орын ала алмады. Ересектер деңгейіндегі ең елеулі статистикасы - 2023/2024 маусымында Францияның үшінші дивизионында 3 матч өткізіп, 1 гол соққаны.
2026 жылдың қаңтарынан бері Онзор Реюньон аралындағы «Сен-Дени» клубының намысын қорғап жүрді. Команда аралдың ең жоғары өңірлік дивизионында өнер көрсетеді. Қазір «Сен-Дени» Реюньон чемпионатының турнир кестесінде 24 ойыннан кейін 63 ұпаймен 4-орында тұр.