«Әлем чемпионатындағы алғашқы матчқа екі күн қалғанда аурухана төсегінде жатып, наркозға дайындалу – әрине, ең қолайлы жағдай емес», – деп келтіреді 29 жастағы футболшының сөзін Sky Sports.
Денсаулығындағы қиындықтарға қарамастан, Мактоминей Шотландия құрамасының үш кездесуіне де қатысты. Алайда ұлттық команда топтық кезеңнен шыға алмады. Жартылай қорғаушы сәтсіз өнер көрсеткеннен кейін кәсіби мансабындағы ең ауыр кезеңдердің бірін бастан өткергенін мойындады.
«Наполиге» оралғаннан кейін жүрек ырғағына қатысты мәселе қайта туындады. Қыркүйек айында футболшы Манчестерде медициналық емшарадан өтіп, соның салдарынан бір ай бойы алаңға шыға алмады. Мактоминейдің айтуынша, бұл жағдай оның психологиялық күйіне қатты әсер еткен. Дегенмен ол мұны алаңдағы сәтсіздіктеріне сылтау етпейтінін атап өтті.
