Бұған дейін БАҚ-та қорғаушыға «Ордабасы» мен «Ақтөбе» клубтары да көз тігіп отырғаны туралы ақпарат тараған болатын. Сонымен қатар, Әшірбектің семейлік клубпен келісімшарты 2026 жылдың соңына дейін жасалған.
ҚПЛ-2026 маусымында Әшірбек 26 матч өткізіп, екі гол соқты. Ол «Елімай» сапына 2026 жылдың басында көкшетаулық «Оқжетпестен» ауысып келген еді.
Ал «Тұран» 2026 жылғы маусымның қорытындысы бойынша Бірінші лигада 57 ұпай жинап, үшінші орын алды да, ҚПЛ-2027 маусымына жолдама жеңіп алды. Түркістандықтарға екінші сатыға тұрақтаған «Қайрат-Жастар» командасының жоғары дивизионда өнер көрсетуге құқығы жоқтығы көмектесті.
Айта кетейік, Әшірбек Ұлттар лигасының қараша айындағы матчтарына арналған Қазақстан құрамасының қорытынды өтініміне енді. Ұлттық құрама келесі ойынын 16 қараша күні «Астана Аренада» Словакияға қарсы өткізеді, кездесудің басталуы — Қазақстан уақытымен 20:00-де.
