Бакудің «Сабахы» 11-тур аясында өз алаңында «Шамахымен» кездесіп, 2:2 есебімен тең түсті.
Ойынның 17-минутында Карлос Эдуардо есеп ашса, 49-минутта Джой-Ланс Микелс алаң иелерінің екінші голын соқты. Қонақтар сапынан 27-минутта Оруй Маммадов мергендік танытты. Ал 61-минутта Рахман Дашдамироов өз қақпасына гол енгізіп, есепті теңестіріп қойды - 2:2.
Қазақстан құрамасының қақпашысы Стас Покатилов «Сабахтың» негізгі құрамында капитандық таңғышпен алаңға шығып, матчты толық өткізді.
11-турдан кейін «Сабах» Әзербайжан чемпионатының турнирлік кестесінде үшінші орында тұр.