«Барселонаның» бас бапкері Ханси Флик Рональд Араухоның болашағына қатысты тез арада шешім қабылдады. El Nacional басылымының мәліметінше, неміс маманы уругвайлық қорғаушымен демалыстан оралмай тұрып жеке хабарласып, оны бұдан былай негізгі құрам ойыншысы ретінде қарастырмайтынын ашық айтқан.
Қорғаушы Фликтің жаңа жүйесінің жоғары талаптарына байланысты негізгі ойыншы мәртебесінен айырылды. Жоғары қорғаныс сызығы мен допты сапалы алға жылжыту басты басымдыққа айналды, ал бұл компоненттерде Пау Кубарси, Эрик Гарсия және Жерар Мартин қазір уругвайлықтан басым түсіп тұр.
«Көк-анар түстілердің» спорттық департаменті Араухоны сатып, түскен қаражатты допты жақсы бере алатын тәжірибелі орталық қорғаушыны алуға жұмсауды жоспарлап отыр. Енді футболшының алдында нақты таңдау тұр: қосалқы құрамда қалуға келісу немесе басқа клубқа ауысу. Еске сала кетейік, Араухо «Барселонада» 2018 жылдан бері өнер көрсетеді, ал өткен маусымда барлық турнирде 38 матч өткізіп, төрт гол соққан болатын.
Каталондықтар жаңа трансфер үшін атышулы сатуға дайындалуда
Жаңа тактикалық талаптарға байланысты негізгі құрамдағы орнынан айырылған уругвайлық қорғаушыға ультиматум қойылды