Форсс кәсіби мансабының көп бөлігін Англия футболында өткізді. Ол 13 жасында «Вест Бромвич» академиясына қабылданып, кейін «Брентфорд» жүйесіне ауысты. 2018 жылы Маркус «Брентфордтың» негізгі құрамында алғаш рет алаңға шықты.
Форсс «Брентфорд» сапында 2018-2022 жылдары ойнады. 2019/20 маусымында ол жалға беру шартымен «Уимблдон» клубында 18 матч өткізіп, 11 гол соқты. Кейін дәл осындай негізде «Халл Сити» құрамында да доп тепті.
2022 жылдың жазында шабуылшы «Мидлсбро» клубына ауысты. Англия Чемпионшипінде команданың маңызды ойыншыларының бірі болған Форсс клуб сапында барлық турнирлерде 90-нан аса матчқа қатысып, 18 рет мергендік танытты. Ал 2025/26 маусымын жалға беру арқылы «Болтон» құрамында өткізді.
Маркус Форсс Финляндия ұлттық құрамасында да ойнайды. Ол бұған дейін елінің U-17, U-18, U-19 және U-21 жасөспірімдер құрамаларынан өткен. 2020 жылдың қараша айында Финляндияның негізгі құрамында дебют жасап, алғашқы халықаралық кездесуінде Францияға қарсы ойында гол соқты. Форсс Финляндияның Еуро-2020 құрамына да енген. Қазірге дейін ұлттық құрамада 21 матч өткізіп, 2 голдың авторы атанды.
Енді финляндиялық шабуылшы Англиядағы тәжірибесін Ферғанаға алып келеді. «Маркус, «Нефтчи» клубына қош келдіңіз!» - деп жазды клубтың баспасөз қызметі.
Еске сала кетейік, 27 жастағы шабуылшы ферғаналықтарға тек Элит ОЧЛ турнирінде ғана көмектесе алады.