The Guardian басылымының ақпаратына сәйкес, жаңа турнирге УЕФА-ға мүше 55 құрама мен КОНКАКАФ аймағындағы 41 ұлттық команда, яғни барлығы 96 құрама қатысуы ықтимал.

Командалар рейтингтеріне қарай бірнеше дивизионға бөлінеді. Жоғары дивизионда Испания, Франция, Англия, АҚШ, Мексика және Канада секілді жетекші құрамалар өнер көрсетуі мүмкін.

Қазақстан құрамасының төменгі дивизиондардың бірінде ойнауы ықтимал. Бұл ретте жаңа формат ұлттық құрамаға Еуропа және КОНКАКАФ аймақтарындағы деңгейлес қарсыластармен тұрақты түрде ресми матч өткізуге мүмкіндік береді.

Алдын ала жоспар бойынша топтық кезең кездесулері қыркүйек, қазан және қараша айларындағы халықаралық үзілістер кезінде өтеді. Плей-офф матчтары наурызға, ал төрт команда қатысатын финалдық кезең маусымға жоспарлануы мүмкін.

Біріккен Ұлттар лигасын 2028 жылғы Еуропа чемпионатынан кейін іске қосу көзделіп отыр. Турнирді екі жылда бір рет өткізу жоспарланған.

Алайда жоба әзірге талқылау сатысында. Сондықтан оның форматы мен өткізу мерзімдері кейін өзгеруі мүмкін.

Пікірлер (0)

Пікірлер (0)