Q Football

Ерсін Ерік: Талғат Байсуфинов ұлттық құрамаға оралуға дайын

Ерсін Ерік: Талғат Байсуфинов ұлттық құрамаға оралуға дайын

Қазақстандық комментатор Ерсін Ерік ұлттық құраманың бұрынғы бас бапкерімен жеке кездескеннен кейін маманның құрама жүйесіне қайта оралуға дайын екенін мәлімдеді.

Қазақстан құрамасының бұрынғы бас бапкері Талғат Байсуфинов өзіне тиісті сенім білдіріліп, қажетті жағдай жасалса, ұлттық құрамада қайта жұмыс істеуге дайын. Бұл туралы маманмен жеке кездескеннен кейін қазақстандық комментатор Ерсін Ерік Instagram парақшасында айтты, деп хабарлайды QFootball.kz.

Журналистің айтуынша, әңгіме барысында олар Қазақстан құрамасының Ұлттар лигасындағы соңғы ойындарын талқылаған. Ерік Байсуфиновтың бапкер қызметінен кеткеніне қарамастан, ұлттық құраманың әр матчын мұқият қадағалап, оның нәтижелеріне шын жүректен алаңдайтынын атап өтті. Комментатор маманның ел құрамасына бас бапкер ретінде де, кез келген басқа қызметте де пайдасын тигізуге дайын екенін айтты.

Еске сала кетейік, Талғат Байсуфинов соңғы рет Қазақстан құрамасын 2025 жылғы 30 қыркүйектен 2026 жылғы 22 маусымға дейін басқарды — әуелі бас бапкердің міндетін атқарушы, ал 2026 жылғы 28 қаңтардан бастап толыққанды бас бапкер ретінде қызмет етті. Осы кезеңде ұлттық құрама сегіз кездесу өткізіп, үшеуінде жеңіске жетті, үш рет тең ойнады және екі рет жеңілді.