Ойген Полански қызметінен «Фрайбургке» қарсы сырт алаңдағы кездесуде 0:5 есебімен ірі жеңілістен кейін бір күн өтпей кетті. Осы матчтан соң мёнхенгладбахтық команда Бундеслигада әлі ұпай жинай алмай, турнир кестесінің ең соңына түсіп қалды.
Полански «Боруссияның» бас бапкері болып өткен жылдың қарашасында тағайындалған. Оған дейін ол клубта уақытша бас бапкер міндетін атқарды, ал бұдан бұрын «Боруссияның» жастар және жасөспірімдер құрамаларын басқарған.
«Боруссия» келесі ойынын 19 қыркүйекте өз алаңында «Майнсқа» қарсы өткізеді.