Бұл жарақат аты аңызға айналған қақпашының болашағына қатысты қызу талқылау тудырды. Германиялық БАҚ-та Нойердің 2027 жылдың маусымына дейін жарамды келісімшартына қарамастан, мансабын мерзімінен бұрын аяқтауы мүмкін деген болжамдар пайда болды.
Алайда Sky Sport мәліметінше, футболшы дәл қазір мансабын аяқтауды қарастырып отырған жоқ және маусымды соңына дейін өткізуді көздейді. Нойердің өзі жанкүйерлерге үндеу жасап, қолдаулары үшін алғыс айтты және бар назарын жарақаттан айығуға аударғанын мәлімдеді.
Биылғы маусымда неміс қақпашысы екі тарихи жетістікке қол жеткізді. Ол 40 жас 225 күнінде алаңға шығып, Бундеслигада ойнаған «Баварияның» ең егде жастағы футболшысы атанды. Сондай-ақ Чемпиондар лигасындағы 164-ші матчын өткізіп, неміс ойыншылары арасында рекорд орнатты.