Бергвалль жазда «Тоттенхэмнен» кету мүмкіндігін қарастырғанымен, клуб басшылығы оны қалуға көндірген. АПЛ-дің биылғы маусымында жартылай қорғаушы небәрі екі рет негізгі құрамда алаңға шықты. Ол Сандро Тонали мен Матеус Фернандешке бәсекелестікте жол беріп келеді.
Дегенмен ықтимал трансферге лондондық клубтың құрамындағы мәселелер кедергі келтіруі мүмкін. Джеймс Мэддисон «Челсиді» 2:0 есебімен жеңген матчта алаңға оралғанына көп болмай, қайта жарақат алды. Ағылшын футболшысының қашан қатарға қосылатыны әзірге белгісіз.
«Тоттенхэмнің» бас бапкері Роберто Де Дзерби ойыншының жағдайына алаңдаушылық білдірді.
«Ешқандай ауыр жарақат алмаған деп үміттенемін. Медициналық тексеруден өткізуіміз керек. Ол – ерекше футболшы, бізге өте қажет», – деді маман.
Бергвалль жақында «Тоттенхэммен» келісімшартын ұзартқандықтан, оны сатып алғысы келетін клубтарды күрделі келіссөздер күтіп тұр. «Наполи» әзірге ресми ұсыныс жасау жөнінде түпкілікті шешім қабылдаған жоқ. Ал «Барселонаның» швециялық ойыншыға қызығушылығы бұған дейін де болған.