Абыройлы инсайдер Фабрицио Романоның хабарлауынша, ағылшындық клуб агент Жорже Мендешпен алғашқы келіссөздерді өткізіп те қойған. Париждықтарға әлі ресми ұсыныс түспегенімен, 18 жасар футболшының өзі «Энфилдке» ауысуға өте ынтық және дәл осы нұсқаға басымдық беріп отыр.
«Ливерпуль» іске араласқанға дейін сенегалдық ойыншы үшін күресте «Байер» басты фаворит саналып келген еді — леверкузендіктер екі клуб арасындағы тамаша қарым-қатынасқа сүйене отырып, «ПСЖ» басшылығымен бірнеше күн бойы белсенді диалог жүргізді. Бұған дейін Мбайенің трансферін «РБ Лейпциг» те рәсімдеуге тырысқан, бірақ неміс клубының вингері Ян Диоманданың кері бағытта «ПСЖ» сапына ауысуы іске аспай, бұл мәміле де тоқтап қалған болатын.
Париж клубының жас түлегі «қызыл-көкшілдердің» негізгі құрамында барлық турнирлерде 42 матч өткізіп, 4 гол соғып, 4 нәтижелі пас беріп үлгерді. Ойыншының «ПСЖ-мен» қазіргі келісімшарты 2028 жылдың жазына дейін есептелген, ал Transfermarkt порталының мәліметінше, оның нарықтық құны € 30 млн еуроны құрайды.