40 жастағы голкипер ауыр жарақат алып, белгісіз мерзімге қатардан шықты. Бұл туралы неміс клубының баспасөз қызметі хабарлады.
Нойердің сіңірі зақымданған
Медициналық тексеріс нәтижесінде қақпашының оң аяғындағы сіңірінің ішінара жыртылғаны анықталды. Ол жарақатты өткен сенбіде Бундеслиганың 9-туры аясында «Майнцқа» қарсы сырт алаңда өткен кездесуде алған. Соған қарамастан, «Бавария» бұл матчта 2:1 есебімен жеңіске жетті.
Нойердің алаңға нақты қашан оралатыны әзірге белгісіз. Клубтың мәліметінше, футболшы алдағы ойындарды өткізіп алады. Ол толық оңалту курсынан өткеннен кейін ғана жаттығулар мен матчтарға қайта қосылады.