Журналист Экрем Конурдың дерегінше, 34 жастағы ганалық форвардқа «Блэкберн» де қызығушылық танытып отыр. Қазір келісімге келуге жақынырақ тұрған тарап - дәл осы «Блэкберн».
Айю мен «Блэкберн» арасындағы келіссөздер біршама алға жылжыған. Соған қарамастан, «Бернли» де шабуылшы үшін күреске араласып, бәсекені күшейткісі келеді.
Алдағы күндері Айю келесі клубына қатысты түпкілікті шешім қабылдайды деген болжам бар.
Форвардтың соңғы командасы - «Лестер Сити». Өткен маусымда ол 45 ойынға қатысып, 6 гол соғып, 3 нәтижелі пас берген.