Футболист португалиялық маманның одан өзінің үйреншікті ойын стилі мен даралығын сақтап қалуды сұрайтынын, сонымен бірге жарақаттардың алдын алу үшін дене жүктемелеріне ерекше көңіл бөлетінін атап өтті.
«Бәрі өте жақсы өтті. Мен жаңа бапкермен, жаңа ойыншылармен таныстым, тыңғылықты жаттықтымын. Жозе Моуринью менің әрқашан қандай болсам, солай қалуымды қалайды: бақытты, көңілді болып, өз футболымды ойнауымды сұрайды. Маусым барысында жарақаттар аз болып, әрбір футболшыға сенім арта алуымыз үшін біз физикалық тұрғыдан жақсы дайындалуымыз керек. Кеше екі жаттығу болса, бүгін – біреуі өтті. Солай болып тұрады. Бүгін біз тренажер залында сәл жаттығып, аяққа түсетін салмақты арттыру үшін қысқа жаттығулар жасадық. Бұл жақсы жаттығу болды, шаршадық, бірақ енді ертеңгі күннің алдында демалатын уақыт келді. Маусым алдындағы дайындық осылай өтеді. Біз дайын болуымыз керек», — деп келтіреді вингердің сөзін «қаймақтардың» баспасөз қызметі.
Айта кетейік, чемпионатқа дайындықпен қатар, бұқаралық ақпарат құралдарында вингердің ықтимал трансфері туралы ақпарат пайда болды: мадридтіктердің басшылығы бразилиялық футболшы бойынша ұсыныстарды 150 миллион еуродан бастап қарастыруға ниетті, ал ойыншыға басты үміткер — лондондық «Арсенал».