«ПСЖ» шабуылшысы Брэдли Баркола париждік клубтың келісімшартты ұзарту туралы ұсынысын кері қайтарды және осы трансферлік терезеде командасын ауыстыруға ашық. Инсайдер Фабрицио Романоның хабарлауынша, Франция құрамасының 23 жастағы вингері үшін таласта «Ливерпуль» фаворит саналады.
Баркола париждіктер сапында 2023 жылдың жазынан бері өнер көрсетіп келеді, ал оның қолданыстағы келісімшарты 2028 жылдың ортасына дейін есептелген. Өткен маусымда шабуылшы барлық турнирде 49 матчқа қатысып, 13 гол соқты және 7 нәтижелі пас берді. Transfermarkt порталының бағалауынша, футболшының нарықтық құны € 90 млн-ды құрайды.
«Ливерпуль» ірі келісім дайындауда: «ПСЖ» жұлдызы Париждегі жаңа келісімшарттан бас тартты
Фабрицио Романо Франция құрамасының 23 жастағы вингері осы жазда трансферге дайын екенін растады