Бұған дейін испандық БАҚ Торреске француздың «Пари Сен-Жермен» қызығушылық танытып отырғанын жазған. Дегенмен «Барселона» шабуыл шебіндегі маңызды ойыншыларының бірін жібергісі келмейді және оның ықтимал трансфері бойынша келіссөзге баруды ойламай отыр.
Ферран Торрес «Барселона» сапында 2022 жылдың қаңтарынан бері ойнап келеді. Сол кезде каталониялық клуб оны ағылшынның «Манчестер Сити» командасынан 55 миллион еуроға сатып алған. Англияға дейін форвард өзі түлеп ұшқан «Валенсияның» намысын қорғады.
Transfermarkt дерегінше, қазіргі таңда Торрестің нарықтағы бағасы 55 миллион еуроға тең.