Беделді AS басылымының мәліметінше, мадридтік гранд қорғаушы Рауль Асенсиомен, сондай-ақ қос шабуылшы — Гонсало Гарсия мен Франко Мастантуономен қоштасуға бекінген. Асенсио әлі де негізгі құрамнан орын алудан үмітті болғанымен, оның агенті Жорже Мендеш жаңа жұмыс орнын іздеп, нарықта белсенділік танытуда. Бұл ретте Гарсияны толығымен сату жоспарланса, жас аргентиналық Мастантуоно тұрақты ойын практикасы үшін жалға беріледі.
Сондай-ақ «Ерекше бапкердің» жоспарына кірмей отырған жартылай қорғаушылар Браим Диас пен Эдуардо Камавинганың да болашағы сұрақ астында тұр. Дегенмен, екі футболшы да әзірге клуб ауыстырудан үзілді-кесілді бас тартып, бапкерге алаңда өз мықтылықтарын дәлелдеуге ниетті.
Еске сала кетейік, Моуринью мадридтіктердің жүлдесіз өткен маусымынан кейін, маусым айында «мадридтіктердің» тізгініне қайта оралып, 2029 жылға дейін келісімшартқа отырған еді. Бұған дейін маман елордалық клубты 2010–2013 жылдар аралығында басқарып, Ла Лига алтынын, Испания Кубогы мен Суперкубогын жеңіп алған болатын.