Фигу ФИФА президентінің жеке инвесторлармен жасырын келісімшарттар жасау арқылы ұйымның негізгі активтерін сатуға тырысқанын қатты сынға алды. Оның айтуынша, Инфантино ұйым мүшелеріне ашық болмай, өзіне және жақындарына миллиондаған жалақы мен лауазым дайындауды көздеген. Ал футболды дамытуға және балалар алаңдарын салуға ФИФА қорындағы 5 миллиард доллар резерв толығымен жетіп артылатынын баса айтты.
Инфантиноның атына айтылған айыптауларды Иордания футбол федерациясының басшысы ханзада Әли де қостап, ФИФА тарапынан қысым мен шантаж болғанын мәлімдеді. Сөзін түйіндей келе, Фигу президенттің өз лауазымының беделін түсіріп, футбол әлемінің және әріптестерінің сенімінен толықтай айырылғанын жеткізді.