Дәл осы ойыншыға «Арсенал» мен «Манчестер Юнайтед» те қызығушылық танытып отыр.
Карлдың ықтимал трансферлік бағасы 60 миллион еуро деп көрсетіледі. Оның мюнхендік клубпен қолданыстағы келісімшарты 2029 жылдың жазына дейін күшінде, бірақ жаңа келісімшарт бойынша келіссөздер әзірге басталмаған.
Жас футболшыға қатысты әңгіме «Баварияның» құрметті президенті Ули Хёнесстің соңғы пікірлерінен кейін де күшейе түсті. Ол Карлды қарапайым болып қалуға шақырып, өзін ерте супержұлдыз санамауға үндеген.
Ағылшын клубтарының қызығушылығына қарамастан, «Бавария» өз позициясын өзгерткен жоқ: клуб өз түлегін сақтап қалғысы келеді және алдағы уақытта оған сенім артуды жоспарлап отыр. Мюнхендіктер ең ірі таланттарының бірімен оңай қоштасуға ниетті емес.