«Әл-Садд» баспасөз қызметі 33 жастағы Марцело Брозовичпен 2027 жылдың жазына дейін еңбек шарты жасалғанын ресми түрде мәлімдеді. Тіреуіш жартылай қорғаушы саудиялық «Әл-Насрдағы» мансап кезеңін аяқтаған соң Дохаға көшіп келді; ол өткен маусымда аталған ұжыммен бірге ішкі біріншіліктің алтын медалін иеленген еді.
Азияға аттанбас бұрын хорват сегіз жыл бойы миландық «Интердің» намысын қорғап, «нерадзуррилермен» бірге скудеттоны, сондай-ақ ұлттық Кубок пен Суперкубокты екі мәртеден ұтып алды және Чемпиондар лигасының финалында өнер көрсетті. Халықаралық аренада жартылай қорғаушы соңғы жылдардағы Хорватия құрамасының басты жетістіктеріне сүбелі үлес қосып, Ресейде өткен 2018 жылғы әлем чемпионатында күміс және 2022 жылғы мундиалда қола жүлдеге қол жеткізген болатын.