«Sky Sports» дерегінше, Аргентина құрамасымен әлем чемпионы атанған 27 жастағы ойыншы мадридтік клубтың негізгі трансферлік нысандарының бірі саналады. Сондай-ақ бұл бастаманы Жозе Моуринью да қолдайтыны айтылады.
Португалиялық бапкер Мак Аллистердің физикалық төзімділігін, қорғаныстағы еңбегін және жекпе-жектерде басым түсу қабілетін жоғары бағалайды. «Реал Мадрид» ортаңғы аймақта тұрақты көшбасшы бола алатын ойыншы іздеп отыр, өйткені Федерико Вальвердеге жиі оң қапталдағы қорғаушы ретінде ойнауға тура келеді.
Мак Аллистердің «Ливерпульмен» келісімшарты 2028 жылға дейін күшінде. Ол мерсисайдтық клуб сапында 162 матчқа қатысып, 23 гол соғып, 21 нәтижелі пас берген.
Бұған қоса, «Ливерпульдің» қазіргі уақытта жартылай қорғаушымен келісімді мерзімінен бұрын ұзартуға қатысты нақты жоспары жоқ. «Реал Мадрид» жағдайды бақылауда ұстап отыр, бірақ әзірге ресми ұсыныс жасалғаны жөнінде ақпарат шыққан жоқ.