33 жастағы Антонио Рюдигердің «Реалмен» келісімшарты 2027 жылдың жазығына дейін күшінде. Соған қарамастан, испандық БАҚ-тың жазуынша, мадридтік клуб басшылығы қорғаушыға жаңа келісім ұсынуды көздеп отырған жоқ. Осы сценарий жүзеге асса, неміс футболшысы еркін агент мәртебесін алуы мүмкін.
«Челсі» бұрынғы ойыншысын қайтадан «Стэмфорд Бриджге» қайтаруға қызығушылық танытып отыр. Лондондық клубқа тәжірибелі футболшылар қажет, сондай-ақ қорғаныс орталығында құрам тереңдігін арттыру маңызды. Рюдигер «Челсі» сапында 2017-2022 жылдары бес маусым ойнап, 203 матч өткізіп, 12 гол соғып, 7 нәтижелі пас берген.
Рюдигердің жағдайын тек «Челсі» ғана емес, Англия Премьер-лигасындағы өзге клубтар да бақылап отыр. Бұған қоса, Сауд Арабиясы чемпионатының өкілдері де ойыншыға назар аударып жүргені айтылады.
Football Insider мәліметі бойынша, «Челсі» Рюдигерді 2027 жылдың жазында тегін трансфермен алуға талпынып көруі мүмкін.