Sport.es басылымының мәліметінше, каталондық клуб испаниялық футболшыны сатуға қарсы емес, алайда оның трансферінен кем дегенде 55 миллион еуро табыс тапқысы келеді.

Дәл осы соманы «Барселона» 2022 жылдың қаңтарында Торресті «Манчестер Ситиден» сатып алу үшін төлеген болатын. Сондықтан клуб басшылығы ойыншыны бұдан арзан бағаға жіберуді жоспарламай отыр.

«ПСЖ»-ның қызығушылығы туралы ақпараттар тарағанымен, каталондықтар әзірге ешқандай ресми ұсыныс алған жоқ. Сонымен қатар клуб футболшыға жаңа келісімшарт ұсынуға дайын, өйткені оның қазіргі шарты келесі жылы аяқталады.

Дереккөздің хабарлауынша, соңғы шешімнің көп бөлігі Торрестің өзіне байланысты болмақ. Егер шабуылшы Францияға ауысуға ниет білдірсе, «Барселона» трансфер бойынша келіссөз жүргізуге дайын, бірақ тек клуб талаптарына сай өтемақы ұсынылған жағдайда ғана.

Каталониялық клубта шабуылшылардың трансферлік нарықтағы бағасы жоғары екенін жақсы түсінеді және ықтимал мәміле ойыншының деңгейі мен құнына сәйкес болуы керек деп есептейді.

Пікірлер (0)

Пікірлер (0)